سر عجيب حدث !! واختي مش راضية تقول ايه اللي حصل ولكن !!
كنت عارف أن من المستحيلات الاقي مواصلات في الوقت ده ووقفت في الشارع لحد حوالي الساعة اتناشر إلا ربع مفيش مواصلة واحدة مرت حتى.
كان كل تفكيري وقتها ادخل المحل أنام فيه وأبلغ البيت عندي إني هطبق وخلاص.. لحد ما لمحت عربية بحمار جاية من بعيد.
كان عليها راجل بلدياتي كبير في السن قولتله “يا حج يا حج.. لو ماشي طوالي تاخدني في طريقك اهو تقربلي المسافة شوية؟”.
رد بعد شوية صمت كده وقالي “هتكمل الطريق بطولك؟ مش خايف من الليل”
معرفش ليه نبرته هي الـ ر,عبتني اكتر من اللـ,يل وقولتله
“خليها على الله اهو احسن ما انام في المحل واسمع اصوات الحيوانات طول الليـ,ل”.
ركبت معاه وتعمدت مفتحش اي كلام.. وهو من وقت للتاني بيبص ناحيتي بنظرات عجيبة مش مفهومة ويرجع يضـ،ـرب الحمار.
كنت عامل نفسي مش واخد بالي منه.. لحد ما لقيته بيسألني “ألا أنا في البلد من زمن الزمن ومشوفتكش قبل أكده.. انت ابن مين في البلد”.
فكرني بذكريات كتير…
بداية من عيشتي في الإسكندرية من صغري مع عمي الله يرحمه لانه مبيخلفش وقرر يربيني زي ابنه لما أمي خلفتنا تؤام (سامح وسماح) واتعاملوا معايا كأني هدية أو نفر زيادة واتبرعوا بيا لعمي.
ورغم أن حياتي كانت كويسة إلى حدٍ ما، إلا أن مفيش شخص على وجه الارض يقدر يعوض الإنسان عن احتياجه لأهله ودفا بيته.
رجعت لهم بعد وفـ،ـاة عمي.. وبقالي شهور بس عايش في البلد…
لكني من وقت ما رجعت مشوفتش أختي سماح ولا اعرفها.. كل الـ بيقولوه عنها أنها اتجوزت من خمس شهور وجوزها شديد حبتين مانع زيارتها أو حد يشوفها.
